கலைப் படம்

இந்த வலைப்பக்கத்தின் நோக்கம் என்பது கலைப் படங்களைப் பற்றி விவாதிப்பது, அதனைப் பற்றி புரிந்து கொள்வதுமே ஆகும். இதன் பக்கத்தில் பதிவிடும் நான் ஒன்றும் மாஸ்டர் இல்லை. மாணவனான் நான், அறிந்துகொள்ளும் பொருட்டு இதனை எழுதி வருகிறேன்.  மாற்றுக்கருத்துக்களை வரவேற்க்கிறேன்.  கலைப்படத்தின் மீது ஆர்வம் கொண்ட எல்லோருக்குமான வலைப்பூ இது.

குறிப்பு: இது ஜெயமோகன் அவர்கள் எழுதிய நவீன தமிழ் இலக்கியம் ஒரு அறிமுகம் என்ற புத்தகத்தின் இரண்டாவது பாகத்தில் உள்ள கருத்துக்களை சினிமாவிற்க்கு பொருத்திப் பார்க்கும் முயற்ச்சி. சினிமா என்பது தமிழகத்தில் பொழுது போக்கு என்ற எண்ணமே பிரதானமாக உள்ளது. ஆனால் அதற்க்கு நான் முற்றிலும் உடன்படவில்லை. அடிப்படையில் சினிமா என்பது ஒரு கலை வடிவமே. கலை என்பதற்க்கும் பொழுது போக்கிற்க்கும் வித்தியாசம் இருக்கிறதா? (இந்த வினாவை கொஞ்ச நேரம் ஒற்றி வைப்போம்) அப்படியானால் கலை என்பது என்ன என்று தெரிந்துகொள்வது முக்கியம்.   மனிதன் இந்த பிரபஞ்சத்தைப் பற்றி அறிந்து கொள்ள இருக்கும் முறைகள் என்பவை அ)தியானம், ஆ)கற்பனை, இ)தர்க்கம். தியானம் பற்றி ஒருவர் தெரிந்துகொள்ள நிறைய புத்தகங்கள் இருக்கிறது. அதனால் அதனைக் கடந்து செல்கிறேன். அதே சமயம் கற்ப்பனை மூலம் அறிந்துகொள்ள கலைகள் இருக்கிறது. தர்க்கம் என்றால் அறிவியல் வந்துவிடுகிறது. பொதுவாக எல்லா மனிதர்களுக்கும் அனுபவம் என்பது பொது. அப்படிப்பட்ட அனுபவத்துடன் கற்ப்பனை சேரும் போது கலைகள் உருவாகிறது. யாரும் வெற்று கற்ப்பனையாலோ அல்லது வெற்று அனுபவத்தாலோ கலையை உருவ...